Pradip TambeFounder · Mydigitcard Business Solutions

Loading

Part of: श्रीदुर्गासप्तशती

एकादशोऽध्यायः · देव्याः स्तुति

Chapter 11 · Hymn to the Devi

Durga Saptashati, chapter 11: the Narayani Stuti

57 verses Audio will be added later

About this stotra

Devyah Stutih, the hymn to the Devi, is the eleventh chapter of the Durga Saptashati, the Devi Mahatmya of the Markandeya Purana. Its colophon places it in the Savarni Manvantara section. That is the Gita Press title. Because sixteen verses in a row (11.8–11.23) end with nārāyaṇi namo'stu te, 'Narayani, salutations to you', it is better known as the Narayani Stuti, and some older editions use that name in the colophon too.

With Shumbha dead, the gods, Agni at their head, praise Katyayani. The verse many families chant daily, sarvamaṅgalamaṅgalye śive sarvārthasādhike (11.10), comes from this hymn. The gods then salute each of her forms in turn: Brahmani, Maheshvari, Kaumari, Vaishnavi, Varahi, Narasimhi, Aindri, Shivaduti and Chamunda. Pleased, the Devi offers a boon, and tells of the forms she will take in ages to come: the daughter born in Nanda's house who dwells on the Vindhyas, Raktadantika, Shatakshi, Shakambhari, Durga, Bhima and Bhramari. She ends with a promise: whenever the danavas bring trouble, she will come down again.

How the chapter is laid out

A meditation verse on Bhuvaneshi, then 55 numbered mantras in the Gita Press count (four 'said' lines, 50 verses and one half-verse), then the colophon. Gita Press prints sarvamaṅgalamaṅgalye; some editions read -māṅgalye. We keep Gita Press.

If you are reading it for the first time

  • त्र्यम्बके: say trya as one cluster, not 'tri-ambake'.
  • कौशाम्भःक्षरिके: a visarga followed at once by kṣ; let both be heard.
  • महाविद्ये and महाऽविद्ये (11.22): the second has an avagraha, meaning avidyā. Keep them distinct.
  • दंष्ट्रोद्धृत: take ṣṭr and ddhṛ slowly.

The meaning on this page was written by our team directly from the Sanskrit. Whether a scholar has reviewed it is shown on the page.

ॐ बालरविद्युतिमिन्दुकिरीटां तुङ्गकुचां नयनत्रययुक्ताम्। स्मेरमुखीं वरदाङ्कुशपाशाभीतिकरां प्रभजे भुवनेशीम्॥

oṃ bālaravidyutimindukirīṭāṃ tuṅgakucāṃ nayanatrayayuktām | smeramukhīṃ varadāṅkuśapāśābhītikarāṃ prabhaje bhuvaneśīm ||

I worship Bhuvaneshi, queen of the worlds. She shines like the newly risen sun and wears the moon as her crown. She is full-bosomed and three-eyed, with a smile on her face. Her hands show the gesture of granting boons, hold a goad and a noose, and show the gesture that removes fear.

ॐ ऋषिरुवाच॥

oṃ ṛṣiruvāca ||

Om. The sage said:

देव्या हते तत्र महासुरेन्द्रे सेन्द्राः सुरा वह्निपुरोगमास्ताम्। कात्यायनीं तुष्टुवुरिष्टलाभाद् विकाशिवक्त्राब्जविकाशिताशाः॥

devyā hate tatra mahāsurendre sendrāḥ surā vahnipurogamāstām | kātyāyanīṃ tuṣṭuvuriṣṭalābhād vikāśivaktrābjavikāśitāśāḥ ||

When the Devi had slain the great asura king there, the gods, with Indra among them and Agni at their head, praised Katyayani for granting what they had longed for. Their faces had opened like lotuses, and their brightness lit up every direction.

देवि प्रपन्नार्तिहरे प्रसीद प्रसीद मातर्जगतोऽखिलस्य। प्रसीद विश्वेश्वरि पाहि विश्वं त्वमीश्वरी देवि चराचरस्य॥

devi prapannārtihare prasīda prasīda mātarjagato'khilasya | prasīda viśveśvari pāhi viśvaṃ tvamīśvarī devi carācarasya ||

Devi, you take away the pain of all who come to you for refuge. Be gracious. Mother of the whole world, be gracious. Queen of the universe, be gracious and protect it. Devi, you rule all that moves and all that stands still.

आधारभूता जगतस्त्वमेका महीस्वरूपेण यतः स्थितासि। अपां स्वरूपस्थितया त्वयैतदाप्यायते कृत्स्नमलङ्घ्यवीर्ये॥

ādhārabhūtā jagatastvamekā mahīsvarūpeṇa yataḥ sthitāsi | apāṃ svarūpasthitayā tvayaitadāpyāyate kṛtsnamalaṅghyavīrye ||

You alone are the ground the world stands on, for you are present as the earth. Your power cannot be overcome. Present as the waters, you refresh and sustain this entire world.

त्वं वैष्णवी शक्तिरनन्तवीर्या विश्वस्य बीजं परमासि माया। सम्मोहितं देवि समस्तमेतत् त्वं वै प्रसन्ना भुवि मुक्तिहेतुः॥

tvaṃ vaiṣṇavī śaktiranantavīryā viśvasya bījaṃ paramāsi māyā | sammohitaṃ devi samastametat tvaṃ vai prasannā bhuvi muktihetuḥ ||

You are Vishnu's power (vaiṣṇavī śakti), endless in strength. You are the seed of the universe, the supreme Maya. Devi, it is you who hold this whole world in delusion, and it is you who, when pleased, become the cause of liberation on earth.

विद्याः समस्तास्तव देवि भेदाः स्त्रियः समस्ताः सकला जगत्सु। त्वयैकया पूरितमम्बयैतत् का ते स्तुतिः स्तव्यपरा परोक्तिः॥

vidyāḥ samastāstava devi bhedāḥ striyaḥ samastāḥ sakalā jagatsu | tvayaikayā pūritamambayaitat kā te stutiḥ stavyaparā paroktiḥ ||

Devi, every branch of knowledge is a form of you, and so is every woman in every world. You, the Mother, fill all of this alone. How could anyone praise you? You are beyond everything that can be praised, and you are yourself the highest word.

सर्वभूता यदा देवी स्वर्गमुक्तिप्रदायिनी। त्वं स्तुता स्तुतये का वा भवन्तु परमोक्तयः॥

sarvabhūtā yadā devī svargamuktipradāyinī | tvaṃ stutā stutaye kā vā bhavantu paramoktayaḥ ||

Once you are called the Devi who is all beings and who grants heaven and liberation, you have already been praised. What higher words could there be to praise you?

सर्वस्य बुद्धिरूपेण जनस्य हृदि संस्थिते। स्वर्गापवर्गदे देवि नारायणि नमोऽस्तु ते॥

sarvasya buddhirūpeṇa janasya hṛdi saṃsthite | svargāpavargade devi nārāyaṇi namo'stu te ||

Devi, you dwell in the heart of every being as understanding. You grant heaven and final freedom (apavarga). Narayani, salutations to you.

कलाकाष्ठादिरूपेण परिणामप्रदायिनि। विश्वस्योपरतौ शक्ते नारायणि नमोऽस्तु ते॥

kalākāṣṭhādirūpeṇa pariṇāmapradāyini | viśvasyoparatau śakte nārāyaṇi namo'stu te ||

As kalā, kāṣṭhā and the other measures of time, you bring about all change. You are the power that brings the universe to its close. Narayani, salutations to you.

सर्वमङ्गलमङ्गल्ये शिवे सर्वार्थसाधिके। शरण्ये त्र्यम्बके गौरि नारायणि नमोऽस्तु ते॥

sarvamaṅgalamaṅgalye śive sarvārthasādhike | śaraṇye tryambake gauri nārāyaṇi namo'stu te ||

You are the auspiciousness in all that is auspicious. Gracious one (śivā), you bring every aim to fulfilment. Refuge of all, three-eyed one, Gauri, Narayani, salutations to you.

सृष्टिस्थितिविनाशानां शक्तिभूते सनातनि। गुणाश्रये गुणमये नारायणि नमोऽस्तु ते॥

sṛṣṭisthitivināśānāṃ śaktibhūte sanātani | guṇāśraye guṇamaye nārāyaṇi namo'stu te ||

You are the power behind creation, preservation and dissolution, eternal one. You are the support of the three guṇas, and you are made of them. Narayani, salutations to you.

शरणागतदीनार्तपरित्राणपरायणे। सर्वस्यार्तिहरे देवि नारायणि नमोऽस्तु ते॥

śaraṇāgatadīnārtaparitrāṇaparāyaṇe | sarvasyārtihare devi nārāyaṇi namo'stu te ||

You are ever intent on rescuing the helpless and the suffering who come to you for shelter. Devi, you take away the pain of all. Narayani, salutations to you.

हंसयुक्तविमानस्थे ब्रह्माणीरूपधारिणि। कौशाम्भःक्षरिके देवि नारायणि नमोऽस्तु ते॥

haṃsayuktavimānasthe brahmāṇīrūpadhāriṇi | kauśāmbhaḥkṣarike devi nārāyaṇi namo'stu te ||

Taking the form of Brahmani, you ride in a sky-chariot drawn by swans and sprinkle water with kuśa grass. Devi Narayani, salutations to you.

त्रिशूलचन्द्राहिधरे महावृषभवाहिनि। माहेश्वरीस्वरूपेण नारायणि नमोऽस्तु ते॥

triśūlacandrāhidhare mahāvṛṣabhavāhini | māheśvarīsvarūpeṇa nārāyaṇi namo'stu te ||

As Maheshvari you hold the trident, the moon and the serpent, and you ride a great bull. Narayani, salutations to you.

मयूरकुक्कुटवृते महाशक्तिधरेऽनघे। कौमारीरूपसंस्थाने नारायणि नमोऽस्तु ते॥

mayūrakukkuṭavṛte mahāśaktidhare'naghe | kaumārīrūpasaṃsthāne nārāyaṇi namo'stu te ||

As Kaumari, pure and sinless, you are surrounded by peacocks and cockerels and carry the great spear (mahāśakti). Narayani, salutations to you.

शङ्खचक्रगदाशार्ङ्गगृहीतपरमायुधे। प्रसीद वैष्णवीरूपे नारायणि नमोऽस्तु ते॥

śaṅkhacakragadāśārṅgagṛhītaparamāyudhe | prasīda vaiṣṇavīrūpe nārāyaṇi namo'stu te ||

In the form of Vaishnavi you hold the finest weapons: conch, discus, mace and the bow Sharnga. Be gracious. Narayani, salutations to you.

गृहीतोग्रमहाचक्रे दंष्ट्रोद्धृतवसुंधरे। वराहरूपिणि शिवे नारायणि नमोऽस्तु ते॥

gṛhītogramahācakre daṃṣṭroddhṛtavasuṃdhare | varāharūpiṇi śive nārāyaṇi namo'stu te ||

In the form of the boar you grip a fierce great discus and lift the earth up on your tusk, gracious one. Narayani, salutations to you.

नृसिंहरूपेणोग्रेण हन्तुं दैत्यान् कृतोद्यमे। त्रैलोक्यत्राणसहिते नारायणि नमोऽस्तु ते॥

nṛsiṃharūpeṇogreṇa hantuṃ daityān kṛtodyame | trailokyatrāṇasahite nārāyaṇi namo'stu te ||

In the fierce form of Narasimha, the man-lion, you set out to kill the daityas and keep the three worlds safe. Narayani, salutations to you.

किरीटिनि महावज्रे सहस्रनयनोज्ज्वले। वृत्रप्राणहरे चैन्द्रि नारायणि नमोऽस्तु ते॥

kirīṭini mahāvajre sahasranayanojjvale | vṛtraprāṇahare caindri nārāyaṇi namo'stu te ||

Aindri, you wear a crown, wield the great thunderbolt and blaze with a thousand eyes. You took the life of Vritra. Narayani, salutations to you.

शिवदूतीस्वरूपेण हतदैत्यमहाबले। घोररूपे महारावे नारायणि नमोऽस्तु ते॥

śivadūtīsvarūpeṇa hatadaityamahābale | ghorarūpe mahārāve nārāyaṇi namo'stu te ||

As Shivaduti you destroyed the vast might of the daityas. Your form is terrifying and your roar is tremendous. Narayani, salutations to you.

दंष्ट्राकरालवदने शिरोमालाविभूषणे। चामुण्डे मुण्डमथने नारायणि नमोऽस्तु ते॥

daṃṣṭrākarālavadane śiromālāvibhūṣaṇe | cāmuṇḍe muṇḍamathane nārāyaṇi namo'stu te ||

Chamunda, your face is fearsome with fangs, a garland of heads is your ornament, and you crushed Munda. Narayani, salutations to you.

लक्ष्मि लज्जे महाविद्ये श्रद्धे पुष्टिस्वधे ध्रुवे। महारात्रि महाऽविद्ये नारायणि नमोऽस्तु ते॥

lakṣmi lajje mahāvidye śraddhe puṣṭisvadhe dhruve | mahārātri mahā'vidye nārāyaṇi namo'stu te ||

You are Lakshmi, and Lajja, modesty. You are the great knowledge (mahāvidyā), faith, nourishment, Svadha offered to the ancestors, and the unshaken one (dhruvā). You are the great night of dissolution, and you are also the great ignorance (mahā-avidyā) that binds the world. Narayani, salutations to you.

मेधे सरस्वति वरे भूति बाभ्रवि तामसि। नियते त्वं प्रसीदेशे नारायणि नमोऽस्तु ते॥

medhe sarasvati vare bhūti bābhravi tāmasi | niyate tvaṃ prasīdeśe nārāyaṇi namo'stu te ||

You are Medha, the mind that holds what it learns. You are Sarasvati, the best of all, Bhuti or splendour, Babhravi of tawny hue, and Tamasi, the dark one. Ordered and steadfast sovereign, be gracious. Narayani, salutations to you.

सर्वस्वरूपे सर्वेशे सर्वशक्तिसमन्विते। भयेभ्यस्त्राहि नो देवि दुर्गे देवि नमोऽस्तु ते॥

sarvasvarūpe sarveśe sarvaśaktisamanvite | bhayebhyastrāhi no devi durge devi namo'stu te ||

You are the form of everything, the ruler of all, endowed with every power. Devi, protect us from all that we fear. Devi Durga, salutations to you.

एतत्ते वदनं सौम्यं लोचनत्रयभूषितम्। पातु नः सर्वभीतिभ्यः कात्यायनि नमोऽस्तु ते॥

etatte vadanaṃ saumyaṃ locanatrayabhūṣitam | pātu naḥ sarvabhītibhyaḥ kātyāyani namo'stu te ||

May this gentle face of yours, graced with three eyes, protect us from every fear. Katyayani, salutations to you.

ज्वालाकरालमत्युग्रमशेषासुरसूदनम्। त्रिशूलं पातु नो भीतेर्भद्रकालि नमोऽस्तु ते॥

jvālākarālamatyugramaśeṣāsurasūdanam | triśūlaṃ pātu no bhīterbhadrakāli namo'stu te ||

May your trident, wreathed in fearsome flames, utterly fierce, the slayer of every asura, guard us from fear. Bhadrakali, salutations to you.

हिनस्ति दैत्यतेजांसि स्वनेनापूर्य या जगत्। सा घण्टा पातु नो देवि पापेभ्योऽनः सुतानिव॥

hinasti daityatejāṃsi svanenāpūrya yā jagat | sā ghaṇṭā pātu no devi pāpebhyo'naḥ sutāniva ||

Your bell fills the world with its sound and drains the daityas of their strength. Devi, may it guard us from wrongdoing, as a mother guards her children.

असुरासृग्वसापङ्कचर्चितस्ते करोज्ज्वलः। शुभाय खड्गो भवतु चण्डिके त्वां नता वयम्॥

asurāsṛgvasāpaṅkacarcitaste karojjvalaḥ | śubhāya khaḍgo bhavatu caṇḍike tvāṃ natā vayam ||

Smeared with the mire of asura blood and fat, your sword shines in your hand. May it be for our good. Chandika, we bow to you.

रोगानशेषानपहंसि तुष्टा रुष्टा तु कामान् सकलानभीष्टान्। त्वामाश्रितानां न विपन्नराणां त्वामाश्रिता ह्याश्रयतां प्रयान्ति॥

rogānaśeṣānapahaṃsi tuṣṭā ruṣṭā tu kāmān sakalānabhīṣṭān | tvāmāśritānāṃ na vipannarāṇāṃ tvāmāśritā hyāśrayatāṃ prayānti ||

When you are pleased, you wipe out every illness. When you are angry, you destroy every cherished wish. No calamity befalls those who take refuge in you. Those who rest in you become a refuge for others.

एतत्कृतं यत्कदनं त्वयाद्य धर्मद्विषां देवि महासुराणाम्। रूपैरनेकैर्बहुधाऽऽत्ममूर्तिं कृत्वाम्बिके तत्प्रकरोति कान्या॥

etatkṛtaṃ yatkadanaṃ tvayādya dharmadviṣāṃ devi mahāsurāṇām | rūpairanekairbahudhā''tmamūrtiṃ kṛtvāmbike tatprakaroti kānyā ||

Ambika, today you cut down the great asuras who hated dharma, and you did it by making your own self into many forms in many ways. Who else could do such a thing?

विद्यासु शास्त्रेषु विवेकदीपेष्वाद्येषु वाक्येषु च का त्वदन्या। ममत्वगर्तेऽतिमहान्धकारे विभ्रामयत्येतदतीव विश्वम्॥

vidyāsu śāstreṣu vivekadīpeṣvādyeṣu vākyeṣu ca kā tvadanyā | mamatvagarte'timahāndhakāre vibhrāmayatyetadatīva viśvam ||

In the branches of learning, in the śāstras, and in the first words, the Vedas, which light the lamp of discernment, who is there but you? And who but you keeps this world whirling in the pitch-dark pit of 'mine'?

रक्षांसि यत्रोग्रविषाश्च नागा यत्रारयो दस्युबलानि यत्र। दावानलो यत्र तथाब्धिमध्ये तत्र स्थिता त्वं परिपासि विश्वम्॥

rakṣāṃsi yatrograviṣāśca nāgā yatrārayo dasyubalāni yatra | dāvānalo yatra tathābdhimadhye tatra sthitā tvaṃ paripāsi viśvam ||

Where there are rakshasas, where there are snakes with deadly venom, where there are enemies and gangs of robbers, where a forest fire rages, and out in the middle of the ocean, there you stand and protect the world.

विश्वेश्वरि त्वं परिपासि विश्वं विश्वात्मिका धारयसीति विश्वम्। विश्वेशवन्द्या भवती भवन्ति विश्वाश्रया ये त्वयि भक्तिनम्राः॥

viśveśvari tvaṃ paripāsi viśvaṃ viśvātmikā dhārayasīti viśvam | viśveśavandyā bhavatī bhavanti viśvāśrayā ye tvayi bhaktinamrāḥ ||

Queen of the universe, you protect the universe. You are its very self, and so you hold it up. Even the lords of the universe bow to you, and those who bow before you in devotion become a support for the whole world.

देवि प्रसीद परिपालय नोऽरिभीतेर्नित्यं यथासुरवधादधुनैव सद्यः। पापानि सर्वजगतां प्रशमं नयाशु उत्पातपाकजनितांश्च महोपसर्गान्॥

devi prasīda paripālaya no'ribhīternityaṃ yathāsuravadhādadhunaiva sadyaḥ | pāpāni sarvajagatāṃ praśamaṃ nayāśu utpātapākajanitāṃśca mahopasargān ||

Devi, be gracious. Just as you saved us at once now by slaying the asuras, always protect us from the fear of enemies. Quickly quiet the wrongdoing of all the worlds, and the great calamities that arise when evil omens bear fruit.

प्रणतानां प्रसीद त्वं देवि विश्वार्तिहारिणि। त्रैलोक्यवासिनामीड्ये लोकानां वरदा भव॥

praṇatānāṃ prasīda tvaṃ devi viśvārtihāriṇi | trailokyavāsināmīḍye lokānāṃ varadā bhava ||

Devi, remover of the world's pain, be gracious to those who bow to you. All who live in the three worlds praise you. Grant boons to all the worlds.

देव्युवाच॥

devyuvāca ||

The Devi said:

वरदाहं सुरगणा वरं यन्मनसेच्छथ। तं वृणुध्वं प्रयच्छामि जगतामुपकारकम्॥

varadāhaṃ suragaṇā varaṃ yanmanasecchatha | taṃ vṛṇudhvaṃ prayacchāmi jagatāmupakārakam ||

'Gods, I grant boons. Choose the boon your hearts desire, one that will benefit the worlds, and I will give it.'

देवा ऊचुः॥

devā ūcuḥ ||

The gods said:

सर्वाबाधाप्रशमनं त्रैलोक्यस्याखिलेश्वरि। एवमेव त्वया कार्यमस्मद्वैरिविनाशनम्॥

sarvābādhāpraśamanaṃ trailokyasyākhileśvari | evameva tvayā kāryamasmadvairivināśanam ||

'Queen of all, in just this way, keep quieting every trouble of the three worlds and destroying our enemies.'

देव्युवाच॥

devyuvāca ||

The Devi said:

वैवस्वतेऽन्तरे प्राप्ते अष्टाविंशतिमे युगे। शुम्भो निशुम्भश्चैवान्यावुत्पत्स्येते महासुरौ॥

vaivasvate'ntare prāpte aṣṭāviṃśatime yuge | śumbho niśumbhaścaivānyāvutpatsyete mahāsurau ||

'When the Vaivasvata Manvantara comes, in its twenty-eighth age, two other great asuras named Shumbha and Nishumbha will be born.'

नन्दगोपगृहे जाता यशोदागर्भसम्भवा। ततस्तौ नाशयिष्यामि विन्ध्याचलनिवासिनी॥

nandagopagṛhe jātā yaśodāgarbhasambhavā | tatastau nāśayiṣyāmi vindhyācalanivāsinī ||

'Then I will be born in the house of Nanda the cowherd, from the womb of Yashoda, and dwelling on the Vindhya mountains I will destroy those two.'

पुनरप्यतिरौद्रेण रूपेण पृथिवीतले। अवतीर्य हनिष्यामि वैप्रचित्तांस्तु दानवान्॥

punarapyatiraudreṇa rūpeṇa pṛthivītale | avatīrya haniṣyāmi vaipracittāṃstu dānavān ||

'Again I will come down to earth in a most fearsome form and kill the danavas of Viprachitti's line.'

भक्षयन्त्याश्च तानुग्रान् वैप्रचित्तान्महासुरान्। रक्ता दन्ता भविष्यन्ति दाडिमीकुसुमोपमाः॥

bhakṣayantyāśca tānugrān vaipracittānmahāsurān | raktā dantā bhaviṣyanti dāḍimīkusumopamāḥ ||

'As I devour those fierce great asuras of Viprachitti's line, my teeth will turn red like pomegranate flowers.'

ततो मां देवताः स्वर्गे मर्त्यलोके च मानवाः। स्तुवन्तो व्याहरिष्यन्ति सततं रक्तदन्तिकाम्॥

tato māṃ devatāḥ svarge martyaloke ca mānavāḥ | stuvanto vyāhariṣyanti satataṃ raktadantikām ||

'Then the gods in heaven and people in the world of mortals will praise me and always call me Raktadantika, she of the red teeth.'

भूयश्च शतवार्षिक्यामनावृष्ट्यामनम्भसि। मुनिभिः संस्तुता भूमौ सम्भविष्याम्ययोनिजा॥

bhūyaśca śatavārṣikyāmanāvṛṣṭyāmanambhasi | munibhiḥ saṃstutā bhūmau sambhaviṣyāmyayonijā ||

'Again, when no rain falls for a hundred years and there is no water anywhere, the sages will praise me, and I will appear on earth, born of no womb.'

ततः शतेन नेत्राणां निरीक्षिष्यामि यन्मुनीन्। कीर्तयिष्यन्ति मनुजाः शताक्षीमिति मां ततः॥

tataḥ śatena netrāṇāṃ nirīkṣiṣyāmi yanmunīn | kīrtayiṣyanti manujāḥ śatākṣīmiti māṃ tataḥ ||

'Because I will then look upon the sages with a hundred eyes, people will sing of me as Shatakshi, the hundred-eyed.'

ततोऽहमखिलं लोकमात्मदेहसमुद्भवैः। भरिष्यामि सुराः शाकैरावृष्टेः प्राणधारकैः॥

tato'hamakhilaṃ lokamātmadehasamudbhavaiḥ | bhariṣyāmi surāḥ śākairāvṛṣṭeḥ prāṇadhārakaiḥ ||

'Then, gods, until the rains return, I will feed the whole world with life-sustaining green plants (śāka) that grow from my own body.'

शाकम्भरीति विख्यातिं तदा यास्याम्यहं भुवि। तत्रैव च वधिष्यामि दुर्गमाख्यं महासुरम्॥

śākambharīti vikhyātiṃ tadā yāsyāmyahaṃ bhuvi | tatraiva ca vadhiṣyāmi durgamākhyaṃ mahāsuram ||

'Then I will become known on earth as Shakambhari. At that same time I will slay the great asura named Durgama.'

दुर्गा देवीति विख्यातं तन्मे नाम भविष्यति। पुनश्चाहं यदा भीमं रूपं कृत्वा हिमाचले॥

durgā devīti vikhyātaṃ tanme nāma bhaviṣyati | punaścāhaṃ yadā bhīmaṃ rūpaṃ kṛtvā himācale ||

'So my name Durga Devi will become famous. And again, when on the Himalaya I take on a terrible form…'

रक्षांसि भक्षयिष्यामि मुनीनां त्राणकारणात्। तदा मां मुनयः सर्वे स्तोष्यन्त्यानम्रमूर्तयः॥

rakṣāṃsi bhakṣayiṣyāmi munīnāṃ trāṇakāraṇāt | tadā māṃ munayaḥ sarve stoṣyantyānamramūrtayaḥ ||

'…and devour the rakshasas to protect the sages, then all the sages will bow low and praise me.'

भीमा देवीति विख्यातं तन्मे नाम भविष्यति। यदारुणाख्यस्त्रैलोक्ये महाबाधां करिष्यति॥

bhīmā devīti vikhyātaṃ tanme nāma bhaviṣyati | yadāruṇākhyastrailokye mahābādhāṃ kariṣyati ||

'Then my name Bhima Devi will become famous. Later, when the one called Aruna brings great affliction on the three worlds,'

तदाहं भ्रामरं रूपं कृत्वाऽसंख्येयषट्पदम्। त्रैलोक्यस्य हितार्थाय वधिष्यामि महासुरम्॥

tadāhaṃ bhrāmaraṃ rūpaṃ kṛtvā'saṃkhyeyaṣaṭpadam | trailokyasya hitārthāya vadhiṣyāmi mahāsuram ||

'I will take a form made of countless bees and slay that great asura for the good of the three worlds.'

भ्रामरीति च मां लोकास्तदा स्तोष्यन्ति सर्वतः। इत्थं यदा यदा बाधा दानवोत्था भविष्यति॥

bhrāmarīti ca māṃ lokāstadā stoṣyanti sarvataḥ | itthaṃ yadā yadā bādhā dānavotthā bhaviṣyati ||

'Then people everywhere will praise me as Bhramari, she of the bees. In this way, whenever the danavas rise up and bring trouble,'

तदा तदावतीर्याहं करिष्याम्यरिसंक्षयम्॥ ॐ॥

tadā tadāvatīryāhaṃ kariṣyāmyarisaṃkṣayam || oṃ ||

'each time I will come down and destroy the enemy.' Om.

॥ इति श्रीमार्कण्डेयपुराणे सावर्णिके मन्वन्तरे देवीमाहात्म्ये देव्याः स्तुतिर्नामैकादशोऽध्यायः॥

|| iti śrīmārkaṇḍeyapurāṇe sāvarṇike manvantare devīmāhātmye devyāḥ stutirnāmaikādaśo'dhyāyaḥ ||

Here ends the eleventh chapter, called ‘The Hymn to the Devi’, of the Devi Mahatmya, in the account of the Savarni Manvantara in the Shri Markandeya Purana.