Pradip TambeFounder · Mydigitcard Business Solutions

Loading

मराठीहिंदीEN

Part of: श्रीदुर्गासप्तशती

पञ्चमोऽध्यायः · देव्या दूतसंवाद

Chapter 5 · The Devi's dialogue with the messenger

Durga Saptashati, chapter 5: Ya Devi and the messenger

88 verses Audio will be added later

Source: Gita Press, Chapter 5 Scholar review pending
About this stotra

Devi-Duta-Samvada, the Devi's dialogue with the messenger, is the fifth chapter of the Durga Saptashati, the Devi Mahatmya of the Markandeya Purana. Its colophon places it in the account of the Savarni Manvantara. By tradition the 'final episode' (uttama or uttara carita), chapters 5 to 13, begins here, so the chapter opens with its viniyoga (seer Rudra, deity Mahasarasvati) and a meditation verse on Mahasarasvati.

Shumbha and Nishumbha seize the gods' offices. Recalling the boon of chapter 4, the gods go to the Himalaya and praise the Devi, from namo devyai mahādevyai into the famous stanzas yā devī sarvabhūteṣu…. Parvati comes to bathe in the Ganga, and from the sheath of her body the Devi Kaushiki comes forth. Chanda and Munda tell Shumbha of her, and he sends a messenger, Sugriva. The Devi answers with her vow: only he who defeats her in battle will be her husband.

Layout, and how the 'Ya Devi' stanzas are counted

Gita Press counts 129 mantras here: nine 'said' lines, 66 three-part mantras and 54 verses. Each yā devī stanza counts as three mantras, because namas tasyai comes three times in it. There are 22 such stanzas, so 22 × 3 = 66. Here each stanza appears once, in full, with a grouped reference such as 5.14–16. The stanza indriyāṇām adhiṣṭhātrī (5.77) in between is a single mantra. Some older printings add stanzas such as dhṛti, nīti and puṣṭi; we do not.

If you are reading it for the first time

Keep a steady rhythm through the yā devī stanzas, pausing after each namas tasyai. Take care with:

  • सर्वभूतेषुच्छायारूपेण: sarvabhūteṣu + chāyā join as cchā.
  • नैर्ऋत्यै: let nair and ṛ both be heard.
  • क्षुधा, क्षान्ति: keep kṣ together.

The meaning on this page was written by our team directly from the Sanskrit. Whether a scholar has reviewed it is shown on the page.

विनियोगः

ॐ अस्य श्रीउत्तरचरित्रस्य रुद्र ऋषिः, महासरस्वती देवता, अनुष्टुप् छन्दः, भीमा शक्तिः, भ्रामरी बीजम्, सूर्यस्तत्त्वम्, सामवेदः स्वरूपम्, महासरस्वतीप्रीत्यर्थे उत्तरचरित्रपाठे विनियोगः।

oṃ asya śrīuttaracaritrasya rudra ṛṣiḥ, mahāsarasvatī devatā, anuṣṭup chandaḥ, bhīmā śaktiḥ, bhrāmarī bījam, sūryastattvam, sāmavedaḥ svarūpam, mahāsarasvatīprītyarthe uttaracaritrapāṭhe viniyogaḥ |

The viniyoga of the final episode (uttara caritra). Om. For this final episode the seer is Rudra, the deity Mahasarasvati, the metre Anushtubh, the power (śakti) Bhima, the seed (bīja) Bhramari, the element the Sun, and the form the Samaveda. It is applied to the recitation of the final episode, for the pleasure of Mahasarasvati.

ध्यानम्

ॐ घण्टाशूलहलानि शङ्खमुसले चक्रं धनुः सायकं हस्ताब्जैर्दधतीं घनान्तविलसच्छीतांशुतुल्यप्रभाम्। गौरीदेहसमुद्भवां त्रिजगतामाधारभूतां महापूर्वामत्र सरस्वतीमनुभजे शुम्भादिदैत्यार्दिनीम्॥

oṃ ghaṇṭāśūlahalāni śaṅkhamusale cakraṃ dhanuḥ sāyakaṃ hastābjairdadhatīṃ ghanāntavilasacchītāṃśutulyaprabhām | gaurīdehasamudbhavāṃ trijagatāmādhārabhūtāṃ mahāpūrvāmatra sarasvatīmanubhaje śumbhādidaityārdinīm ||

Here I worship Mahasarasvati. In her lotus hands she holds a bell, a trident, a plough, a conch, a pestle, a discus, a bow and an arrow. She glows like the cool moon shining when the clouds have passed. She was born from the body of Gauri. She is the support of the three worlds, and she destroys Shumbha and the other daityas.

ॐ क्लीं ऋषिरुवाच॥

oṃ klīṃ ṛṣiruvāca ||

Om klīṃ. The sage said:

verse 5.2

पुरा शुम्भनिशुम्भाभ्यामसुराभ्यां शचीपतेः। त्रैलोक्यं यज्ञभागाश्च हृता मदबलाश्रयात्॥

purā śumbhaniśumbhābhyāmasurābhyāṃ śacīpateḥ | trailokyaṃ yajñabhāgāśca hṛtā madabalāśrayāt ||

Long ago two asuras, Shumbha and Nishumbha, trusting in their pride and strength, took the three worlds and the shares of sacrifice away from Indra, the husband of Shachi.

verse 5.3

तावेव सूर्यतां तद्वदधिकारं तथैन्दवम्। कौबेरमथ याम्यं च चक्राते वरुणस्य च॥

tāveva sūryatāṃ tadvadadhikāraṃ tathaindavam | kauberamatha yāmyaṃ ca cakrāte varuṇasya ca ||

In the same way the two of them took over the office of the Sun, and also those of the Moon, Kubera, Yama and Varuna.

verse 5.4

तावेव पवनर्द्धिं च चक्रतुर्वह्निकर्म च। ततो देवा विनिर्धूता भ्रष्टराज्याः पराजिताः॥

tāveva pavanarddhiṃ ca cakraturvahnikarma ca | tato devā vinirdhūtā bhraṣṭarājyāḥ parājitāḥ ||

They also took over the power of Vayu and the work of Agni. The gods were driven out. They lost their kingdoms and were defeated.

verse 5.5

हृताधिकारास्त्रिदशास्ताभ्यां सर्वे निराकृताः। महासुराभ्यां तां देवीं संस्मरन्त्यपराजिताम्॥

hṛtādhikārāstridaśāstābhyāṃ sarve nirākṛtāḥ | mahāsurābhyāṃ tāṃ devīṃ saṃsmarantyaparājitām ||

Stripped of their offices, all the gods were cast out by those two great asuras. Then they remembered the Devi, the unconquered one.

verse 5.6

तयास्माकं वरो दत्तो यथाऽऽपत्सु स्मृताखिलाः। भवतां नाशयिष्यामि तत्क्षणात्परमापदः॥

tayāsmākaṃ varo datto yathā''patsu smṛtākhilāḥ | bhavatāṃ nāśayiṣyāmi tatkṣaṇātparamāpadaḥ ||

'She gave us a boon: whenever you remember me in trouble, I will destroy all your gravest dangers that very moment.'

verse 5.7

इति कृत्वा मतिं देवा हिमवन्तं नगेश्वरम्। जग्मुस्तत्र ततो देवीं विष्णुमायां प्रतुष्टुवुः॥

iti kṛtvā matiṃ devā himavantaṃ nageśvaram | jagmustatra tato devīṃ viṣṇumāyāṃ pratuṣṭuvuḥ ||

With this in mind the gods went to Himavat, king of mountains, and there they praised the Devi, Vishnumaya.

देवा ऊचुः॥

devā ūcuḥ ||

The gods said:

verse 5.9

नमो देव्यै महादेव्यै शिवायै सततं नमः। नमः प्रकृत्यै भद्रायै नियताः प्रणताः स्म ताम्॥

namo devyai mahādevyai śivāyai satataṃ namaḥ | namaḥ prakṛtyai bhadrāyai niyatāḥ praṇatāḥ sma tām ||

Salutation to the Devi, to the great Devi. Salutation always to Shiva, the kind one. Salutation to Prakriti, the source of all, and to Bhadra, the gracious. With minds held steady, we bow to her.

verse 5.10

रौद्रायै नमो नित्यायै गौर्यै धात्र्यै नमो नमः। ज्योत्स्नायै चेन्दुरूपिण्यै सुखायै सततं नमः॥

raudrāyai namo nityāyai gauryai dhātryai namo namaḥ | jyotsnāyai cendurūpiṇyai sukhāyai satataṃ namaḥ ||

Salutation to the fierce one, Raudri. Salutation again and again to the eternal one, to Gauri, to Dhatri who sustains all. Salutation always to her who is moonlight, who has the form of the moon, who is happiness itself.

verse 5.11

कल्याण्यै प्रणतां वृद्ध्यै सिद्ध्यै कुर्मो नमो नमः। नैर्ऋत्यै भूभृतां लक्ष्म्यै शर्वाण्यै ते नमो नमः॥

kalyāṇyai praṇatāṃ vṛddhyai siddhyai kurmo namo namaḥ | nairṛtyai bhūbhṛtāṃ lakṣmyai śarvāṇyai te namo namaḥ ||

Again and again we bow to Kalyani, the auspicious one, who is growth and fulfilment for those who bow to her. To Nairriti, the power of decay, to the fortune of kings, to Sharvani, the consort of Shiva: salutation to you again and again.

verse 5.12

दुर्गायै दुर्गपारायै सारायै सर्वकारिण्यै। ख्यात्यै तथैव कृष्णायै धूम्रायै सततं नमः॥

durgāyai durgapārāyai sārāyai sarvakāriṇyai | khyātyai tathaiva kṛṣṇāyai dhūmrāyai satataṃ namaḥ ||

Salutation always to Durga, to her who carries us across hardship, to her who is the essence, to her who does all things, to Khyati, renown, and likewise to Krishna, the dark one, and to Dhumra, the smoke-coloured one.

verse 5.13

अतिसौम्यातिरौद्रायै नतास्तस्यै नमो नमः। नमो जगत्प्रतिष्ठायै देव्यै कृत्यै नमो नमः॥

atisaumyātiraudrāyai natāstasyai namo namaḥ | namo jagatpratiṣṭhāyai devyai kṛtyai namo namaḥ ||

We bow before her who is both most gentle and most fierce. Salutation to her again and again. Salutation again and again to the Devi who is the ground on which the world stands, to Kriti, the power of action.

verse 5.14-16

या देवी सर्वभूतेषु विष्णुमायेति शब्दिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu viṣṇumāyeti śabditā | namastasyai | namastasyai | namastasyai namo namaḥ ||

To the Devi who in all beings is called Vishnumaya: salutation to her, salutation to her, salutation to her, salutation again and again.

verse 5.17-19

या देवी सर्वभूतेषु चेतनेत्यभिधीयते। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu cetanetyabhidhīyate | namastasyai | namastasyai | namastasyai namo namaḥ ||

To the Devi who in all beings is called consciousness: salutation to her, salutation to her, salutation to her, salutation again and again.

verse 5.20-22

या देवी सर्वभूतेषु बुद्धिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu buddhirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as intelligence: salutation to her, salutation to her, salutation to her, salutation again and again.

verse 5.23-25

या देवी सर्वभूतेषु निद्रारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu nidrārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as sleep: salutation to her, salutation to her, salutation to her, salutation again and again.

verse 5.26-28

या देवी सर्वभूतेषु क्षुधारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu kṣudhārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as hunger: salutation to her, salutation to her, salutation to her, salutation again and again.

verse 5.29-31

या देवी सर्वभूतेषुच्छायारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣucchāyārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as shadow (chāyā): salutation to her, salutation to her, salutation to her, salutation again and again.

verse 5.32-34

या देवी सर्वभूतेषु शक्तिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu śaktirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as power: salutation to her, salutation to her, salutation to her, salutation again and again.

verse 5.35-37

या देवी सर्वभूतेषु तृष्णारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu tṛṣṇārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as thirst and craving: salutation to her, salutation to her, salutation to her, salutation again and again.

verse 5.38-40

या देवी सर्वभूतेषु क्षान्तिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu kṣāntirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as forbearance: salutation to her, salutation to her, salutation to her, salutation again and again.

verse 5.41-43

या देवी सर्वभूतेषु जातिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu jātirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as jāti, the kind each one is born as: salutation to her, salutation to her, salutation to her, salutation again and again.

verse 5.44-46

या देवी सर्वभूतेषु लज्जारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu lajjārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as modesty: salutation to her, salutation to her, salutation to her, salutation again and again.

verse 5.47-49

या देवी सर्वभूतेषु शान्तिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu śāntirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as peace: salutation to her, salutation to her, salutation to her, salutation again and again.

verse 5.50-52

या देवी सर्वभूतेषु श्रद्धारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu śraddhārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as faith: salutation to her, salutation to her, salutation to her, salutation again and again.

verse 5.53-55

या देवी सर्वभूतेषु कान्तिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu kāntirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as radiance and beauty: salutation to her, salutation to her, salutation to her, salutation again and again.

verse 5.56-58

या देवी सर्वभूतेषु लक्ष्मीरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu lakṣmīrūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as Lakshmi, good fortune: salutation to her, salutation to her, salutation to her, salutation again and again.

verse 5.59-61

या देवी सर्वभूतेषु वृत्तिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu vṛttirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as livelihood and activity (vṛtti): salutation to her, salutation to her, salutation to her, salutation again and again.

verse 5.62-64

या देवी सर्वभूतेषु स्मृतिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu smṛtirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as memory: salutation to her, salutation to her, salutation to her, salutation again and again.

verse 5.65-67

या देवी सर्वभूतेषु दयारूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu dayārūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as compassion: salutation to her, salutation to her, salutation to her, salutation again and again.

verse 5.68-70

या देवी सर्वभूतेषु तुष्टिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu tuṣṭirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as contentment: salutation to her, salutation to her, salutation to her, salutation again and again.

verse 5.71-73

या देवी सर्वभूतेषु मातृरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu mātṛrūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as mother: salutation to her, salutation to her, salutation to her, salutation again and again.

verse 5.74-76

या देवी सर्वभूतेषु भ्रान्तिरूपेण संस्थिता। नमस्तस्यै। नमस्तस्यै। नमस्तस्यै नमो नमः॥

yā devī sarvabhūteṣu bhrāntirūpeṇa saṃsthitā | namastasyai | namastasyai | namastasyai namo namaḥ ||

To the Devi who dwells in all beings as error and delusion (bhrānti): salutation to her, salutation to her, salutation to her, salutation again and again.

verse 5.77

इन्द्रियाणामधिष्ठात्री भूतानां चाखिलेषु या। भूतेषु सततं तस्यै व्याप्तिदेव्यै नमो नमः॥

indriyāṇāmadhiṣṭhātrī bhūtānāṃ cākhileṣu yā | bhūteṣu satataṃ tasyai vyāptidevyai namo namaḥ ||

She presides over the senses of all creatures, and she pervades all beings at every moment. To her, the Devi who pervades all, salutation again and again.

verse 5.78-80

चितिरूपेण या कृत्स्नमेतद् व्याप्य स्थिता जगत्। नमस्तस्यै। नमस्तस्यै। नमस्तस्यै नमो नमः॥

citirūpeṇa yā kṛtsnametad vyāpya sthitā jagat | namastasyai | namastasyai | namastasyai namo namaḥ ||

To her who, as pure awareness, pervades this whole world and abides in it: salutation to her, salutation to her, salutation to her, salutation again and again.

verse 5.81

स्तुता सुरैः पूर्वमभीष्टसंश्रयात्तथा सुरेन्द्रेण दिनेषु सेविता। करोतु सा नः शुभहेतुरीश्वरी शुभानि भद्राण्यभिहन्तु चापदः॥

stutā suraiḥ pūrvamabhīṣṭasaṃśrayāttathā surendreṇa dineṣu sevitā | karotu sā naḥ śubhaheturīśvarī śubhāni bhadrāṇyabhihantu cāpadaḥ ||

Long ago the gods praised her, taking refuge in her for what they longed for, and Indra, king of the gods, served her day after day. May that Ishvari, the source of all good, do us good and bring us blessings, and may she strike down our troubles.

verse 5.82

या साम्प्रतं चोद्धतदैत्यतापितैरस्माभिरीशा च सुरैर्नमस्यते। या च स्मृता तत्क्षणमेव हन्ति नः सर्वापदो भक्तिविनम्रमूर्तिभिः॥

yā sāmprataṃ coddhatadaityatāpitairasmābhirīśā ca surairnamasyate | yā ca smṛtā tatkṣaṇameva hanti naḥ sarvāpado bhaktivinamramūrtibhiḥ ||

She is the Ishvari to whom we gods, tormented by the arrogant daityas, bow even now. When we remember her, our bodies bowed in devotion, she destroys all our troubles that very moment. (May she do us good.)

ऋषिरुवाच॥

ṛṣiruvāca ||

The sage said:

verse 5.84

एवं स्तवादियुक्तानां देवानां तत्र पार्वती। स्नातुमभ्याययौ तोये जाह्नव्या नृपनन्दन॥

evaṃ stavādiyuktānāṃ devānāṃ tatra pārvatī | snātumabhyāyayau toye jāhnavyā nṛpanandana ||

Prince, while the gods were busy with their hymn, Parvati came there to bathe in the waters of the Ganga.

verse 5.85

साब्रवीत्तान् सुरान् सुभ्रूर्भवद्भिः स्तूयतेऽत्र का। शरीरकोशतश्चास्याः समुद्भूताब्रवीच्छिवा॥

sābravīttān surān subhrūrbhavadbhiḥ stūyate'tra kā | śarīrakośataścāsyāḥ samudbhūtābravīcchivā ||

Parvati, with her lovely brows, asked the gods, 'Whom are you praising here?' Then from the sheath of her own body the auspicious Devi, Shiva, came forth and said:

verse 5.86

स्तोत्रं ममैतत् क्रियते शुम्भदैत्यनिराकृतैः। देवैः समेतैः समरे निशुम्भेन पराजितैः॥

stotraṃ mamaitat kriyate śumbhadaityanirākṛtaiḥ | devaiḥ sametaiḥ samare niśumbhena parājitaiḥ ||

'This hymn is to me. The gods have gathered to sing it, cast out by the daitya Shumbha and beaten in battle by Nishumbha.'

verse 5.87

शरीरकोशाद्यत्तस्याः पार्वत्या निःसृताम्बिका। कौशिकीति समस्तेषु ततो लोकेषु गीयते॥

śarīrakośādyattasyāḥ pārvatyā niḥsṛtāmbikā | kauśikīti samasteṣu tato lokeṣu gīyate ||

Because Ambika came out of the sheath (kośa) of Parvati's body, she is known in all the worlds as Kaushiki.

verse 5.88

तस्यां विनिर्गतायां तु कृष्णाभूत्सापि पार्वती। कालिकेति समाख्याता हिमाचलकृताश्रया॥

tasyāṃ vinirgatāyāṃ tu kṛṣṇābhūtsāpi pārvatī | kāliketi samākhyātā himācalakṛtāśrayā ||

Once Ambika had come out, Parvati herself turned dark. She became known as Kalika, and made her home in the Himalaya.

verse 5.89

ततोऽम्बिकां परं रूपं बिभ्राणां सुमनोहरम्। ददर्श चण्डो मुण्डश्च भृत्यौ शुम्भनिशुम्भयोः॥

tato'mbikāṃ paraṃ rūpaṃ bibhrāṇāṃ sumanoharam | dadarśa caṇḍo muṇḍaśca bhṛtyau śumbhaniśumbhayoḥ ||

Then Chanda and Munda, servants of Shumbha and Nishumbha, saw Ambika in her supreme and most enchanting form.

verse 5.90

ताभ्यां शुम्भाय चाख्याता अतीव सुमनोहरा। काप्यास्ते स्त्री महाराज भासयन्ती हिमाचलम्॥

tābhyāṃ śumbhāya cākhyātā atīva sumanoharā | kāpyāste strī mahārāja bhāsayantī himācalam ||

The two of them told Shumbha, 'Great king, there is a woman of extraordinary beauty there, lighting up the Himalaya.'

verse 5.91

नैव तादृक् क्वचिद्रूपं दृष्टं केनचिदुत्तमम्। ज्ञायतां काप्यसौ देवी गृह्यतां चासुरेश्वर॥

naiva tādṛk kvacidrūpaṃ dṛṣṭaṃ kenaciduttamam | jñāyatāṃ kāpyasau devī gṛhyatāṃ cāsureśvara ||

'No one has ever seen such a peerless form anywhere. Lord of the asuras, find out who this goddess is, and take her.'

verse 5.92

स्त्रीरत्नमतिचार्वङ्गी द्योतयन्ती दिशस्त्विषा। सा तु तिष्ठति दैत्येन्द्र तां भवान् द्रष्टुमर्हति॥

strīratnamaticārvaṅgī dyotayantī diśastviṣā | sā tu tiṣṭhati daityendra tāṃ bhavān draṣṭumarhati ||

'She is a jewel among women. Every limb is lovely, and her radiance lights up all directions. She is there now, lord of the daityas. You should see her.'

verse 5.93

यानि रत्नानि मणयो गजाश्वादीनि वै प्रभो। त्रैलोक्ये तु समस्तानि साम्प्रतं भान्ति ते गृहे॥

yāni ratnāni maṇayo gajāśvādīni vai prabho | trailokye tu samastāni sāmprataṃ bhānti te gṛhe ||

'Lord, every gem and jewel, every elephant and horse and every other treasure in the three worlds now shines in your house.'

verse 5.94

ऐरावतः समानीतो गजरत्नं पुरन्दरात्। पारिजाततरुश्चायं तथैवोच्चैःश्रवा हयः॥

airāvataḥ samānīto gajaratnaṃ purandarāt | pārijātataruścāyaṃ tathaivoccaiḥśravā hayaḥ ||

'Airavata, the jewel among elephants, has been brought from Indra, and this Parijata tree too, and the horse Uchchaihshravas.'

verse 5.95

विमानं हंससंयुक्तमेतत्तिष्ठति तेऽङ्गणे। रत्नभूतमिहानीतं यदासीद्वेधसोऽद्भुतम्॥

vimānaṃ haṃsasaṃyuktametattiṣṭhati te'ṅgaṇe | ratnabhūtamihānītaṃ yadāsīdvedhaso'dbhutam ||

'The wondrous swan-drawn chariot of the skies that belonged to Brahma, a jewel among treasures, has been brought here. It stands in your courtyard.'

verse 5.96

निधिरेष महापद्मः समानीतो धनेश्वरात्। किञ्जल्किनीं ददौ चाब्धिर्मालामम्लानपङ्कजाम्॥

nidhireṣa mahāpadmaḥ samānīto dhaneśvarāt | kiñjalkinīṃ dadau cābdhirmālāmamlānapaṅkajām ||

'This treasure called Mahapadma was brought from Kubera, lord of wealth. And the ocean gave you a garland of lotuses full of pollen, that never fade.'

verse 5.97

छत्रं ते वारुणं गेहे काञ्चनस्रावि तिष्ठति। तथायं स्यन्दनवरो यः पुराऽऽसीत्प्रजापतेः॥

chatraṃ te vāruṇaṃ gehe kāñcanasrāvi tiṣṭhati | tathāyaṃ syandanavaro yaḥ purā''sītprajāpateḥ ||

'Varuna's parasol, which showers gold, stands in your house. So does this fine chariot that once belonged to Prajapati.'

verse 5.98

मृत्योरुत्क्रान्तिदा नाम शक्तिरीश त्वया हृता। पाशः सलिलराजस्य भ्रातुस्तव परिग्रहे॥

mṛtyorutkrāntidā nāma śaktirīśa tvayā hṛtā | pāśaḥ salilarājasya bhrātustava parigrahe ||

'Lord, you have taken from Death his weapon, the śakti called Utkrantida, which draws out life. The noose of Varuna, king of the waters, is in your brother's keeping.'

verse 5.99

निशुम्भस्याब्धिजाताश्च समस्ता रत्नजातयः। वह्निरपि ददौ तुभ्यमग्निशौचे च वाससी॥

niśumbhasyābdhijātāśca samastā ratnajātayaḥ | vahnirapi dadau tubhyamagniśauce ca vāsasī ||

'Nishumbha owns every kind of jewel born of the sea. Agni too gave you a pair of garments that fire makes clean.'

verse 5.100

एवं दैत्येन्द्र रत्नानि समस्तान्याहृतानि ते। स्त्रीरत्नमेषा कल्याणी त्वया कस्मान्न गृह्यते॥

evaṃ daityendra ratnāni samastānyāhṛtāni te | strīratnameṣā kalyāṇī tvayā kasmānna gṛhyate ||

'So, lord of the daityas, every jewel has been brought to you. Why do you not take this lovely jewel among women?'

ऋषिरुवाच॥

ṛṣiruvāca ||

The sage said:

verse 5.102

निशम्येति वचः शुम्भः स तदा चण्डमुण्डयोः। प्रेषयामास सुग्रीवं दूतं देव्या महासुरम्॥

niśamyeti vacaḥ śumbhaḥ sa tadā caṇḍamuṇḍayoḥ | preṣayāmāsa sugrīvaṃ dūtaṃ devyā mahāsuram ||

Hearing these words of Chanda and Munda, Shumbha sent the great asura Sugriva to the Devi as his messenger.

verse 5.103

इति चेति च वक्तव्या सा गत्वा वचनान्मम। यथा चाभ्येति सम्प्रीत्या तथा कार्यं त्वया लघु॥

iti ceti ca vaktavyā sā gatvā vacanānmama | yathā cābhyeti samprītyā tathā kāryaṃ tvayā laghu ||

'Go to her and tell her this and that, as I command. Act quickly, and see that she comes here gladly.'

verse 5.104

स तत्र गत्वा यत्रास्ते शैलोद्देशेऽतिशोभने। सा देवी तां ततः प्राह श्लक्ष्णं मधुरया गिरा॥

sa tatra gatvā yatrāste śailoddeśe'tiśobhane | sā devī tāṃ tataḥ prāha ślakṣṇaṃ madhurayā girā ||

He went to the lovely spot on the mountain where the Devi was staying. Then he spoke to her gently, in a sweet voice.

दूत उवाच॥

dūta uvāca ||

The messenger said:

verse 5.106

देवि दैत्येश्वरः शुम्भस्त्रैलोक्ये परमेश्वरः। दूतोऽहं प्रेषितस्तेन त्वत्सकाशमिहागतः॥

devi daityeśvaraḥ śumbhastrailokye parameśvaraḥ | dūto'haṃ preṣitastena tvatsakāśamihāgataḥ ||

'Devi, Shumbha, king of the daityas, is supreme lord of the three worlds. I am a messenger he has sent, and I have come here to you.'

verse 5.107

अव्याहताज्ञः सर्वासु यः सदा देवयोनिषु। निर्जिताखिलदैत्यारिः स यदाह शृणुष्व तत्॥

avyāhatājñaḥ sarvāsu yaḥ sadā devayoniṣu | nirjitākhiladaityāriḥ sa yadāha śṛṇuṣva tat ||

'His command is never resisted among any of the divine races, and he has conquered every enemy of the daityas. Hear what he says:'

verse 5.108

मम त्रैलोक्यमखिलं मम देवा वशानुगाः। यज्ञभागानहं सर्वानुपाश्नामि पृथक् पृथक्॥

mama trailokyamakhilaṃ mama devā vaśānugāḥ | yajñabhāgānahaṃ sarvānupāśnāmi pṛthak pṛthak ||

'The three worlds are all mine. The gods obey me. I myself enjoy every share of every sacrifice.'

verse 5.109

त्रैलोक्ये वररत्नानि मम वश्यान्यशेषतः। तथैव गजरत्नं च हृत्वा देवेन्द्रवाहनम्॥

trailokye vararatnāni mama vaśyānyaśeṣataḥ | tathaiva gajaratnaṃ ca hṛtvā devendravāhanam ||

'All the finest jewels of the three worlds are wholly in my power. I have even taken the jewel among elephants, the mount of Indra, king of the gods.'

verse 5.110

क्षीरोदमथनोद्भूतमश्वरत्नं ममामरैः। उच्चैःश्रवससंज्ञं तत्प्रणिपत्य समर्पितम्॥

kṣīrodamathanodbhūtamaśvaratnaṃ mamāmaraiḥ | uccaiḥśravasasaṃjñaṃ tatpraṇipatya samarpitam ||

'The jewel among horses, Uchchaihshravas, born from the churning of the ocean of milk, the immortals bowed and handed over to me.'

verse 5.111

यानि चान्यानि देवेषु गन्धर्वेषूरगेषु च। रत्नभूतानि भूतानि तानि मय्येव शोभने॥

yāni cānyāni deveṣu gandharveṣūrageṣu ca | ratnabhūtāni bhūtāni tāni mayyeva śobhane ||

'Lovely one, whatever else counted as a jewel among the gods, the Gandharvas and the serpents now belongs to me alone.'

verse 5.112

स्त्रीरत्नभूतां त्वां देवि लोके मन्यामहे वयम्। सा त्वमस्मानुपागच्छ यतो रत्नभुजो वयम्॥

strīratnabhūtāṃ tvāṃ devi loke manyāmahe vayam | sā tvamasmānupāgaccha yato ratnabhujo vayam ||

'Devi, we hold you to be the jewel among women in the world. So come to us, for we are the ones who enjoy jewels.'

verse 5.113

मां वा ममानुजं वापि निशुम्भमुरुविक्रमम्। भज त्वं चञ्चलापाङ्गि रत्नभूतासि वै यतः॥

māṃ vā mamānujaṃ vāpi niśumbhamuruvikramam | bhaja tvaṃ cañcalāpāṅgi ratnabhūtāsi vai yataḥ ||

'You with the restless glances, take me, or my younger brother Nishumbha, mighty in valour. For you are truly a jewel.'

verse 5.114

परमैश्वर्यमतुलं प्राप्स्यसे मत्परिग्रहात्। एतद् बुद्ध्या समालोच्य मत्परिग्रहतां व्रज॥

paramaiśvaryamatulaṃ prāpsyase matparigrahāt | etad buddhyā samālocya matparigrahatāṃ vraja ||

'If you become mine, you will have supreme and matchless power and wealth. Think this over carefully, and become my wife.'

ऋषिरुवाच॥

ṛṣiruvāca ||

The sage said:

verse 5.116

इत्युक्ता सा तदा देवी गम्भीरान्तःस्मिता जगौ। दुर्गा भगवती भद्रा ययेदं धार्यते जगत्॥

ityuktā sā tadā devī gambhīrāntaḥsmitā jagau | durgā bhagavatī bhadrā yayedaṃ dhāryate jagat ||

Hearing this, the Devi, blessed and gracious Durga, by whom this whole world is held up, smiled a deep inward smile and spoke:

देव्युवाच॥

devyuvāca ||

The Devi said:

verse 5.118

सत्यमुक्तं त्वया नात्र मिथ्या किञ्चित्त्वयोदितम्। त्रैलोक्याधिपतिः शुम्भो निशुम्भश्चापि तादृशः॥

satyamuktaṃ tvayā nātra mithyā kiñcittvayoditam | trailokyādhipatiḥ śumbho niśumbhaścāpi tādṛśaḥ ||

'What you have said is true. Nothing you have told me is false. Shumbha is lord of the three worlds, and Nishumbha is his equal.'

verse 5.119

किं त्वत्र यत्प्रतिज्ञातं मिथ्या तत्क्रियते कथम्। श्रूयतामल्पबुद्धित्वात्प्रतिज्ञा या कृता पुरा॥

kiṃ tvatra yatpratijñātaṃ mithyā tatkriyate katham | śrūyatāmalpabuddhitvātpratijñā yā kṛtā purā ||

'But in this matter I have made a vow. How can I break it? Hear the vow I once made, in my small wisdom:'

verse 5.120

यो मां जयति संग्रामे यो मे दर्पं व्यपोहति। यो मे प्रतिबलो लोके स मे भर्ता भविष्यति॥

yo māṃ jayati saṃgrāme yo me darpaṃ vyapohati | yo me pratibalo loke sa me bhartā bhaviṣyati ||

'He who defeats me in battle, who breaks my pride, who is my equal in strength in this world, he alone shall be my husband.'

verse 5.121

तदागच्छतु शुम्भोऽत्र निशुम्भो वा महासुरः। मां जित्वा किं चिरेणात्र पाणिं गृह्णातु मे लघु॥

tadāgacchatu śumbho'tra niśumbho vā mahāsuraḥ | māṃ jitvā kiṃ cireṇātra pāṇiṃ gṛhṇātu me laghu ||

'So let Shumbha come here, or the great asura Nishumbha. Let him defeat me and take my hand here and now. Why wait?'

दूत उवाच॥

dūta uvāca ||

The messenger said:

verse 5.123

अवलिप्तासि मैवं त्वं देवि ब्रूहि ममाग्रतः। त्रैलोक्ये कः पुमांस्तिष्ठेदग्रे शुम्भनिशुम्भयोः॥

avaliptāsi maivaṃ tvaṃ devi brūhi mamāgrataḥ | trailokye kaḥ pumāṃstiṣṭhedagre śumbhaniśumbhayoḥ ||

'Devi, you are full of pride. Do not talk like this in front of me. What man in the three worlds could stand before Shumbha and Nishumbha?'

verse 5.124

अन्येषामपि दैत्यानां सर्वे देवा न वै युधि। तिष्ठन्ति सम्मुखे देवि किं पुनः स्त्री त्वमेकिका॥

anyeṣāmapi daityānāṃ sarve devā na vai yudhi | tiṣṭhanti sammukhe devi kiṃ punaḥ strī tvamekikā ||

'Devi, all the gods together cannot face even the other daityas in battle. What then of you, a woman, alone?'

verse 5.125

इन्द्राद्याः सकला देवास्तस्थुर्येषां न संयुगे। शुम्भादीनां कथं तेषां स्त्री प्रयास्यसि सम्मुखम्॥

indrādyāḥ sakalā devāstasthuryeṣāṃ na saṃyuge | śumbhādīnāṃ kathaṃ teṣāṃ strī prayāsyasi sammukham ||

'Indra and all the gods could not stand against Shumbha and the others in battle. How will you, a woman, face them?'

verse 5.126

सा त्वं गच्छ मयैवोक्ता पार्श्वं शुम्भनिशुम्भयोः। केशाकर्षणनिर्धूतगौरवा मा गमिष्यसि॥

sā tvaṃ gaccha mayaivoktā pārśvaṃ śumbhaniśumbhayoḥ | keśākarṣaṇanirdhūtagauravā mā gamiṣyasi ||

'So, since I have told you, go to Shumbha and Nishumbha yourself. Do not go there with your honour lost, dragged by the hair.'

देव्युवाच॥

devyuvāca ||

The Devi said:

verse 5.128

एवमेतद् बली शुम्भो निशुम्भश्चातिवीर्यवान्। किं करोमि प्रतिज्ञा मे यदनालोचिता पुरा॥

evametad balī śumbho niśumbhaścātivīryavān | kiṃ karomi pratijñā me yadanālocitā purā ||

'So it is. Shumbha is strong, and Nishumbha too is very mighty. But what can I do? I made my vow long ago, without thinking it through.'

verse 5.129

स त्वं गच्छ मयोक्तं ते यदेतत्सर्वमादृतः। तदाचक्ष्वासुरेन्द्राय स च युक्तं करोतु तत्॥ ॐ॥

sa tvaṃ gaccha mayoktaṃ te yadetatsarvamādṛtaḥ | tadācakṣvāsurendrāya sa ca yuktaṃ karotu tat || oṃ ||

'So go, and tell the lord of the asuras, carefully, all that I have said. Then let him do what he thinks fit.' Om.

पुष्पिका

॥ इति श्रीमार्कण्डेयपुराणे सावर्णिके मन्वन्तरे देवीमाहात्म्ये देव्या दूतसंवादो नाम पञ्चमोऽध्यायः॥

|| iti śrīmārkaṇḍeyapurāṇe sāvarṇike manvantare devīmāhātmye devyā dūtasaṃvādo nāma pañcamo'dhyāyaḥ ||

Here ends the fifth chapter, called ‘The Devi's Dialogue with the Messenger’, of the Devi Mahatmya, in the account of the Savarni Manvantara in the Shri Markandeya Purana.